भारताबरोबरच इजिप्त, रोम, पर्शिया, पेरू, इत्यादी देशांमध्ये वेगवेगळ्या संस्कृतींचा उदय झाला आणि काळाच्या ओघात त्या नष्ट पण झाल्या. या संस्कृतींमध्ये असणाऱ्या वेगवेगळ्या देवता, शिल्प, मंदिरांचे आणि संस्कृतीचे अवशेष हे फक्त आता संग्रहालयात बघायला मिळतात. भारतात ज्या सांस्कृतिक विचारसरणीचा उगम आणि विस्तार झाला त्या मंदिर आणि मूर्ती रूपाने आजही आपण अनुभवतो आहोत आणि आपल्या समाजव्यवस्थेच्या केंद्रस्थानी ही मंदिरे आहेत.